Dr. Daniel Fentaneh The Voice of Healthcare Justice - Now Free

"#Free_Dr_Daniel በሀገራችን እርቅ የተለመደ ጉዳይ ነው፡፡ እርቅ ብዙውን ጊዜ ሁለቱን ወገን ደስተኛ ላያደርግ ይችላል፡፡ ነገር ግን አብሮ ለመኖር ሲባል አንዱ ወገን እየቀረበትም ቢሆን ለሽማግሌዎቹ ክብርም ሲል ይሁን እሺ ብሎ ይታረቃል፡፡ አንዴ ታርቀናል ብሎ ከተስማማ በኋላ እንደተጎዳ ቢያምንም ለፈጣሪ ብሎ መቻል በሀገራችን የተለመደ ነው፡፡ የትኛውም አካል ያለበቂ ምክንያት ጉዳዩን ድጋሜ ካነሳው ሽማግሌዎቹን እንደመነቅ ስለሚቆጠር ከክብር የወረደ ተግባር ተደርጎ ይወሰዳል፡፡ ከማህበረሰቡም ሊገለል ይችላል፡፡ የጤና ባለሞያዎችና የመንግስት ጉዳይም ለጊዜው የቆመው በሽምግልና ነው፡፡ ያውም የኢትዮጵያን ህዝብ ያክል ሽማግሌ በመሃል ገብቶ፡፡ የጤና ባለሞያው ችግሩን ህዝብና መንግስት አውቆታልና ነገ ምላሽ ይገኛል በሚል ተስፋና ለህዝብ ሲል ጥያቄው እንደተንጠለጠለ ወደ ስራ ገብቷል፡፡ በመንግስት በኩልም ታስረው የነበሩ ባለሞያዎች በሙሉ ተፈትተው ነበር፡፡ ነገር ግን ተበዳይ ያልያዘውን ቂም በዳይ ቂም ይዞ ተመልሶ ባለሞያዎችን ማሰሩ አግባብነት የሌለው ከክብርም የወረደ ተግባር በመሆኑ መንግስት ጊዜ ሳይወስድ በአስቸኳይ እንዲፈታው ስንል እጠይቃለን፡፡ #Free_Dr_Daniel_Fentaneh"

"ቤተመንግስት ተጠርቶ ሲሸለም "ሁለት ሚልየን ብር ማለት ለኔ ስድብ ነው ፤" የሚል ሰው ባለበት ሀገር ፣ ሀኪሞች በቀን ከ12 እስከ 24 ሰአት እየሰሩ የሚከፈላቸው ደሞዝ ከቤት ኪራይና ትራንስፖርት የማያልፍ በመሆኑ መንግስት አስቀድሞ ሊመልሰው ሲገባ ችላ ያለውን ጥያቄ በሰለጠነና ሰላማዊ መንገድ በመጠየቃቸው ለዕስር ለተዳረጉ ዶክተሮች ድምፅ እንሁን፡፡"

"ክቡራትና ክቡራን፡- አሁን በኢትዮጵያ ውስጥ ያለው “የጤና ሰራዊት” በዓለማችን ላይ የሚገኝ የትኛውንም አይነት የህክምና ቴክኖሎጂን መጠቀም የሚችሉ ፤ አሁን አለም የደረሰበትን የህክምና ሳይንስ ጠንቅቀው የሚያውቁ ናቸው፡፡ በስነ-ምግባርም ቢሆን አይታሙም ፤ ይህንን ሁሉ ግዜ ነጻ በሚባል ደረጃ ሰራቸውን በአግባቡ ሲሰሩ ቆይተዋል፡፡ እጅ ላይ ባለው ባተሟላ ግብአት በአለም ላይ ጥቂት ቦታዎች ላይ ብቻ ሊሰሩ የሚችሉ ውስብስብ ቀዶ ህክምናዎችን ማከናወን የሚችል ትውልድ ፣ በአለም ላይ ያለ የትኛውንም አይነት የህክምና ቴክኖሎጂ ላይ መስራት የሚችል ትውልድ ፣ ያለምንም ማጋነን አሁን ያሉን ቀዶ ሃኪሞቻችን ባላቸው ብቃት ላይ በጥቂት ወራት ስልጠና ብቻ እስከ ሮቦቲክ ሰርጀሪ ድረስ ማከናወን የሚችል የጤና ትውልድ ተፈጥሯል፡፡ የሲቲ-ስካን የኤም-አር-አይ እና የራጅ ፊልሞችን ከሰው ሰራሽ አስተውሎት (AI) ጋር ማስተሳሰር የሚችል ብሩህ አይምሮ ተፈጥሯል፡፡ መጪውን መስመር ላይ ያለውን ትውልድ ደግሞ ማሰብ ነው፡፡ እድሜ ይህንን የማይዋዥቅ የህክምና ትምህርት ስርአት ለዘረጉና ላስቀጠሉ የህክምና አባቶቻችን! ይህንን ኃይል ምናልባት በጉልበት ማሸነፍ ይቻል ይሆናል ፤ ነገር-ግን ትልልቅ ህልሞች ይጨነግፋሉ፡፡ ትውልድ ይከሽፋል፡፡ ህክምና ተቋማቱ ላይ በደንብ ኢንቨስት ከተደረገ እንኳን ራሳቸው ሊራቡ ለአገሪቱ ከፍተኛ የውጭ ምንዛሬ ሊያስገኙ የሚችሉ አለም አቀፍ ደረጃ ያላቸው (world class) ባለሞያዎች ሞልተዋል፡፡ አልረፈደም! አሁንም አይረፍድም!